नरेंद्र मोदी यांच्या नेतृत्त्वातच भाजप पुन्हा केंद्रात सरकार स्थापन करेल असंही देवेंद्र फडणवीस यांनी म्हटलं आहे. ते म्हणाले, "कोणी कोणाची भेट घ्यावी यावर बंधन नाही. प्रत्येक जण आपली रणनीती आखत असतं. पण कोणी कितीही रणनीती आखली तरी 2024 च्या निवडणुकांमध्ये नरेंद्र मोदीच येणार."
राष्ट्रवादी काँग्रेसचे प्रवक्ते आणि मंत्री नवाब मलिक यांनी सांगितलं, "प्रशांत किशोर आणि शरद पवार यांच्या जवळपास तीन तास चर्चा झाली. प्रशांत किशोर यांचा राजकीय रणनीतीकार म्हणून वेगळा अभ्यास आहे. त्यांचा वेगळा दृष्टीकोन आहे. याबाबत दोघांमध्ये चर्चा झाली."
