अहमदाबादमध्ये दारूची तस्करी करणाऱ्या महाराष्ट्रातील चार तरुणींना पोलिसांनी ताब्यात घेतलं आहे. 214 बियर टीनसह ट्रेनमधून प्रवास करत असताना चौघींना पकडण्यात आलं. या मुलींच्या बॅगेत बिअरच्या टीन सापडल्या असून चारही मुली रेल्वेच्या वेगवेगळ्या डब्यातून प्रवास करत असल्याची माहिती कृष्णा नगर पोलिसांनी दिली आहे.
या प्रकरणी महाराष्ट्रातील विविध भागात राहणाऱ्या लक्ष्मी माचरे, पूर्णिमा भट, पूजा तमोचीकर, सुनिता तिडगे यांना पोलिसांनी ताब्यात घेतले आहे.
कृष्णा नगर पोलीस ठाण्याचे निरीक्षक चौहान यांनी सांगितलं, "या तरुणी शॉर्टकटमध्ये पैसे कमवण्यासाठी दारुच्या बाटल्यांची तस्करी करत होत्या. बियरच्या टीन वेगवेगळ्या पिशव्यांमध्ये भरलेल्या होत्या. रेल्वे प्रवासादरम्यान या चौघी एकमेकींशी बोलत नव्हत्या पण अहमदाबादमध्ये उतरल्यानंतर रिक्षातून एकत्र प्रवास करत होत्या."
