नागपुरातुन एक धक्कादायक घटना समोर आली आहे. येथे तीन मुले त्यांच्या घरापासून अवघ्या 50 मीटर अंतरावर कारमध्ये मृतावस्थेत आढळून आली. या तिघांमध्ये दोन भाऊ बहीण होते. गाडीमध्ये गुदमरून त्यांचा मृत्यू झाल्याचे पोलिसांनी सांगितले. तौफीक फिरोज खान (4), आलिया फिरोज खान (6) आणि आफरीन इर्शाद खान (6) अशी मृतांची नावे आहेत, तिघेही फारूक नगरचे रहिवासी आहेत. या घटनेमुळे परिसरात खळबळ उडाली आहे.
