मी माणुसकी मेलेली पाहिली, माझ्यासोबत कुणीच नव्हतं-धनंजय मुंडे

'कोव्हिडच्या संकटात माणुसकी मेलेली मी पाहिली आहे. कोरोना होण्याआधी माझ्यासोबत 50 लोक असायचे. मात्र कोरोना झाला तेव्हा रुग्णवाहिकेत मी एकटा बसलो होतो. कुणीही सोबत नव्हतं,' असं राष्ट्रवादी काँग्रेसचे नेते धनंजय मुंडे यांनी सांगितलं.

शनिवारी (2 ऑक्टोबर) अहमदनदरमध्ये एका कार्यक्रमात ते बोलत होते. कोरोनाशी संघर्ष करताना आलेले अनुभव त्यांनी यावेळी सांगितले.

राज्यात अनेक नेते, मंत्री यांना कोरोनाची लागण झाली होती. त्यामध्ये सामाजिक न्यायमंत्री धनंजय मुंडे यांचाही समावेश होता. त्यादिवसांबद्दल धनंजय मुंडे बोलत होते.