माध्यमांशी संवाद साधताना विनायक राऊत यांनी कदमांवर जोरदार हल्लाबोल केला. 'शिवसेनेला लागलेली गद्दारीची कीड रामदास कदम यांनीच रुजवली. रामदास कदम जी काही बडबड करतात, त्याला आम्ही गांभीर्याने घेत नाही,' अशी टीका राऊत यांनी केली. तसेच, त्यांनी यावेळी भाजप नेते आणि केंद्रीय मंत्री नारायण राणे (Narayan Rane) यांचाही एक किस्सा सांगितला.
'नारायण राणे शिवसेना सोडून जात होते, तेव्हा हेच रामदास कदम त्यांच्या बंगल्यावर चार दिवस मुक्कामी होते. नारायण राणे यांच्यासोबत राणे गटात या, असे शिवसैनिकांना सांगण्यात कदम आघाडीवर होते,' असा आरोपही विनायक राऊत यांनी यावेळी केला आहे.
