मात्र त्या मंत्री पत्नीचे नावे अत्ताच जाहीर करण्यास त्यांनी नकार दिला. करूणा धनंजय मुंडे दोन दिवशीय अहमदनगर जिल्हा दौर्‍यावर आहेत. त्यांनी अहमदनगर शहरात पत्रकारांशी संवाद साधला. यावेळी शिवशक्ती सेना पक्षाचे प्रदेशाध्यक्ष भाऊसाहेब शिंदे, सचिव रवी डवळे, कोशाध्यक्ष मुरली धात्रक, प्रवक्ते अजय चेडे आदी उपस्थित होते.
करूणा मुंडे म्हणाल्या, राज्यभर माझे दौरे सुरू आहेत. यात चांगला प्रतिसाद मिळत आहे. छत्रपती शिवाजी महाराज यांच्या प्रमाणे भ्रष्टाचार व घराणेशाही संपविण्याची मी मोहीम सुरू केली आहे. भयमुक्त महाराष्ट्र करायचा आहे. मी घरातून बाहेर पडल्यामुळे अनेक महिलांना हिंमत मिळू लागली आहे.
त्यामुळे दोन मंत्र्यांच्या पत्नी माझ्या पक्षात यायला तयार आहेत, असे त्यांनी सांगितले. त्या पुढे म्हणाल्या, मी माझा पक्ष काढून राज्यभर जात असल्याने माझे पती धनंजय मुंडे मला घरात बसण्यासाठी माझ्यावर दबाव आणत आहे. मात्र मी हाती घेतलेला लढा सुरूच ठेवणार आहे.
