Beed illegal abortion case :बीडमधील अवैध गर्भपात प्रकरणात महिलेचा मृत्यू झाला आणि त्या प्रकरणात आरोपी नर्स चा मृतदेह तलावात आढळला. आता या प्रकरणात नवे वळण आले असून या प्रकरणात गर्भलिंग निदान करणारा डॉक्टर फरार होता. त्या डॉक्टरला औरंगाबाद येथून अटक करण्यात आली आहे. पोलिसांनी अद्याप याला दुजोरा दिला नाही. या प्रकरणाची मुख्य आरोपी मनीषा सानप ही अंगणवाडी सेविका असून ती सध्या तुरुंगात आहे. तर या मधील नर्स सीमा डोंगरे हिचा मृतदेह तलावात आढळला.तर गर्भातील लिंगाचे निदान करणाऱ्या डॉक्टरला अटक करण्यात आल्याची माहिती सूत्रांनी दिली आहे. या प्रकरणी पोलीस अधीक्षक पत्रकार परिषद घेण्याचे समजली आहे.
