औरंगाबाद - शहरातील लेबर कॉलनीवर प्रशासनाकडून सकाळी ६ वाजल्यापासून तोडक कारवाईला सुरुवात झाली आहे. मूळ सदनिकाधाकांच्या पुनर्वसनावर अद्याप कुठलही निर्णय झालेला नाही. महापालिकेच्या हद्दीत बांधण्यात येणाऱ्या पंतप्रधान आवास योजनेत घरकूल देण्यासाठी १४८ जणांचा प्राधान्याने विचार करण्याचा तोंडी शब्द प्रशासनाने दिला आहे.
गेल्या ३० वर्षाहून अधिक काळ याठिकाणी लोक वास्तव्यास आहेत. तोडक कारवाईमुळे परिसरात कलम १४४ लागू करण्यात आले असून मोठ्या प्रमाणात पोलिसांचा बंदोबस्त तैनात आहे. लेबर कॉलनीतील ७० टक्के सदनिका मंगळवार सायंकाळपर्यंत रहिवाशांनी स्वत:हून रिक्त केल्या. मात्र कॉलनी सोडताना अनेकांना अश्रू अनावर झाले. अनेकांनी राहण्यासाठी घरे नाहीत असे देखील सांगण्यात येत आहे.
