मुंबईतील लालबागचा राजा असो किंवा सिद्धविनायक मंदिर असो. अभिनेते, बडे उद्योगपती, अभिनेत्री, राजनेते, देखील दर्शनाला जातात आणि बाप्पाचा आशीर्वाद घेतात. नवसाला पावणारा गणपती म्हणजे लालबागच्या राजाचे भाविक दर्शन घेऊन आपल्या मनातली इच्छा बोलतात आणि नवस करतात.
या वेळी अजित पावर गटातील पदाधिकारी रणजित नरोटे यांनी लालबागच्या राजाच्या चरणी ''आमच्या अजितदादांना राज्याचे मुख्यमंत्री होऊ द्या ''अशी चिट्ठी अर्पण करून साकडं घातलं अजित पवार राज्याचे मुख्यमंत्री व्हावे अशी इच्छा व्यक्त केली जात आहे. काही दिवसांपूर्वी त्यांनी मुख्यमंत्री बनावे अशी इच्छा व्यक्त करणाऱ्या काही नेत्यांनी आणि कार्यकर्त्यांनी बॅनर लावले होते. आता लालबागच्या राजाच्या चरणी अर्पण केलेल्या या चिट्ठीमुळे चर्चांना उधाण आले आहे.
