देशाच्या आर्थिक राजधानीत १७ वर्षांपूर्वी झालेल्या दहशतवादी हल्ल्यातील आरोपी तहव्वुर राणाला न्यायालयाकडून दिलासा मिळालेला नाही. नवी दिल्लीच्या पटियाला हाऊस कोर्टाने शुक्रवारी २६/११ च्या मुंबई हल्ल्यातील आरोपी तहव्वुर हुसेन राणाची न्यायालयीन कोठडी ९ जुलैपर्यंत वाढवली. तसेच विशेष न्यायाधीश चंदर जीत सिंह यांनी हा आदेश दिला. राणाला त्याच्या मागील कोठडीचा कालावधी संपल्यानंतर व्हिडिओ कॉन्फरन्सिंगद्वारे न्यायालयात हजर करण्यात आले. राणाच्या वकिलाने त्याच्या प्रकृतीबद्दल चिंता व्यक्त केली होती. यानंतर, न्यायालयाने ९ जूनपर्यंत तिहार तुरुंग प्रशासनाकडून त्याच्या प्रकृतीबाबतचा स्टेटस रिपोर्ट मागितला आहे.
