बीडचे सरपंच संतोष देशमुख यांच्या हत्येतील फरार आरोपींना पकडण्यासाठी पोलिसांनी अहोरात्र मेहनत घेतली आहे. या प्रकरणी पुणे आणि कल्याण येथून 2 फरार आरोपींसह 3 जणांना अटक करण्यात आली आहे. अधिकाऱ्यांनी शनिवारी ही माहिती दिली. सुदर्शन चंद्रभान घुले आणि सुधीर सांगळे या दोन वॉन्टेड आरोपींना पुण्यातून तर सिद्धार्थ सोनवणे याला ठाणे जिल्ह्यातील कल्याण येथून अटक केल्याचे त्यांनी सांगितले.
केज न्यायालयाने शनिवारी अटक केलेल्या तिघांना 18 जानेवारीपर्यंत सीआयडी कोठडी सुनावली. पोलिसांनी न्यायालयाला सांगितले की, तिन्ही आरोपी संघटित गुन्ह्यात सामील होते आणि परिसरात प्रकल्प उभारण्यासाठी आलेल्या कंपन्यांच्या अधिकाऱ्यांना धमकावण्यात त्यांचा सहभाग होता.
देशमुख हत्येप्रकरणी पोलिसांनी आतापर्यंत 7 जणांना अटक केली आहे, तर आणखी एक आरोपी अद्याप फरार आहे. यापूर्वी पोलिसांनी जयराम माणिक चांग (21), महेश सखाराम केदार (21), प्रतीक घुले (24) आणि विष्णू चाटे (45) यांना अटक केली होती, तर दुसरा आरोपी कृष्णा आंधळे अद्याप फरार आहे. वाल्मिकी कराड यांनी पोलिसांसमोर आत्मसमर्पण केले .
