बाबा सिद्दीकी हत्या प्रकरणातील दोन आरोपींनी सोमवारी मकोका न्यायालयात याचिका दाखल करून पोलिसांनी नोंदवलेला कबुलीजबाब मागे घेण्याची मागणी केली.या प्रकरणातील दोन्ही आरोपींनी दावा केला आहे की, त्यांनी हे जबाब स्वेच्छेने दिलेले नाहीत. पोलिसांच्या दबावाखाली ते दिले गेले.
राष्ट्रवादी काँग्रेस पक्ष (NCP) नेते आणि महाराष्ट्राचे माजी मंत्री बाबा सिद्दीकी यांच्या हत्येप्रकरणी, हरियाणातील रहिवासी गुरमेल सिंग आणि हरीश कुमार कश्यप यांना सिद्दीकी यांच्या हत्येतील कथित भूमिकेसाठी अटक करण्यात आली होती.
गुरमेल सिंग आणि हरीश कुमार कश्यप यांना तपास अधिकाऱ्याने घेतलेला कबुली जबाब मागे घ्यायचा आहे, असे याचिकेत सांगण्यात आले. न्यायालयाने तपास यंत्रणेला उत्तर दाखल करण्यास सांगितले आहे. दरम्यान, विशेष मकोका न्यायालयाने सोमवारी या प्रकरणातील 13आरोपींची पोलिस कोठडी संपल्यानंतर न्यायालयीन कोठडी सुनावली.
