भारतीय हवामान खात्याने (IMD) सोमवारी मुंबईत पुढील दोन दिवस, २६ आणि २७ ऑगस्ट रोजी पावसाचा यलो अलर्ट जारी केला. शहर आणि उपनगरांच्या विविध भागात मुसळधार ते अति मुसळधार पावसाचा इशारा देण्यात आला आहे. या इशाऱ्याच्या पार्श्वभूमीवर, आपत्ती व्यवस्थापन विभागाने प्रशासनाला सतर्क राहण्याचे निर्देश दिले आहे.
मुंबई महानगरपालिकेच्या (BMC) पावसाच्या आकडेवारीनुसार, रविवारी सकाळी ८ ते सोमवारी सकाळी ७ वाजेपर्यंत शहरात सरासरी १२.४१ मिमी, पूर्व उपनगरात १३.८४ मिमी आणि पश्चिम उपनगरात १८.०४ मिमी पाऊस पडला. सोमवारी सकाळी ६ ते ७ वाजेपर्यंत सर्वाधिक पाऊस पडला.
