खराब हवामानामुळे गुवाहाटीला येणाऱ्या इंडिगोच्या विमानाला त्रिपुराच्या आगरतळा विमानतळावर उतरावे लागले. आसामचे मुख्यमंत्री हिमंता बिस्वा शर्मा देखील विमानात होते. विमान आगरतळा विमानतळावर उतरताच त्रिपुराच्या पर्यटन मंत्री सुशांत चौधरी आसामच्या मुख्यमंत्र्यांना भेटण्यासाठी तेथे पोहचले. गुवाहाटीमध्ये हवामान सुधारल्यानंतर विमानाने गुवाहाटीसाठी उड्डाण केले. रविवारी संध्याकाळी खबरदारी म्हणून विमान आगरतळा येथे पाठवण्यात आले.
दिब्रुगडमधील मोहनबारी विमानतळावरून उड्डाण घेतलेले इंडिगोचे विमान मुसळधार पाऊस आणि वादळामुळे गुवाहाटीत उतरू शकले नाही आणि खबरदारी म्हणून आगरतळा येथे पाठवण्यात आले. नंतर विमान गुवाहाटीला रवाना झाले. गुवाहाटी येथील मुख्यमंत्री कार्यालयाने शर्मा देखील विमानात असल्याची पुष्टी केली आहे. विमान आगरतळा विमानतळावर उतरताच त्रिपुराच्या पर्यटन मंत्री सुशांत चौधरी आसामच्या मुख्यमंत्र्यांना भेटण्यासाठी तेथे पोहचले. नंतर, एका फेसबुक पोस्टमध्ये चौधरी म्हणाले, "गुवाहाटीमध्ये खराब हवामानामुळे आसामचे मुख्यमंत्री हिमंता बिस्वा सरमा जी यांच्या विमानाचे आगरतळा विमानतळावर आपत्कालीन लँडिंग करावे लागल्याची माहिती मिळाल्यानंतर, मी विमानतळावर धाव घेतली आणि दादा यांना भेटलो. गुवाहाटीमध्ये हवामान सुधारल्यानंतर सामान्य विमान वाहतूक पुन्हा सुरू झाली."
