सध्या कोरोना महामारीच्या पार्श्वभूमीवर मास्क वापरणे बंधनकारक आहे. पोलीस भरती परीक्षेसाठी पिंपरी चिंचवड केंद्रावर एका परीक्षार्थीने या मास्कचा पुरेपूर फायदा घेतला असून मास्कचा वापर कॉपी करण्यासाठी केला. या व्यक्तीने मास्कचा आत मोबाईल सदृश्य उपकरण तयार केले .त्या साठी त्याने बॅटरी , चार्जिंग केबल, बोलण्यासाठी माईक, स्पीकर आणि संपर्कासाठी सिमकार्डसह इतर तांत्रिक जोडणी केली होती . या मास्क मध्ये याने बोलण्याची आणि ऐकण्याची व्यवस्था देखील केली होती.
