स्वाधीन करत अभिनव पध्दतीने आंदोलन केले.
राज्यातील अन्य जिल्ह्यांमध्ये तसेच पुणे शहरातील कोरोना पॉझिटिव्हिटी दर व मृत्यू दर कमी झाला असतानाही पुण्यातील निर्बंध कायम ठेवले आहेत. यामुळे छोटे, मोठे व्यापारी त्रासले आहेत. त्यामुळे आता कारवाईची तमा न बाळगता त्यांनी शांततेने आंदोलन करण्यास सुरवात केली आहे. पोलिसांशी आम्ही वाद घालणार नाही पण व्यवसायासाठी दुकानेही बंद करणार नाही अशी भूमिका व्यापाऱ्यांनी घेतली आहे.
सरकारचे लक्ष वेधण्यासाठी दुकाने ४ वाजल्यानंतरही ७ वाजेपर्यंत उघडी ठेवण्यास सुरवात केली आहे.व्यापाऱ्यांचे प्रचंड आर्थिक नुकसान होत असून, कमी वेळेत, कमी व्यवसायात सर्व टॅक्स, जीएसटी, इन्कम टॅक्स, प्रॉप्रर्टी टॅक्स, लाईट बिल, कर्ज, बॅकेचे हप्ते, दुकान व घरभाडे, कर्मचारी पगार, घरखर्च भरून प्रशासनाने सद्य स्थितीत व्यवसाय चालवून दाखवावा असे आवाहन महासंघाने केले.
