पुण्यात मद्यधुंद अवस्थेत एका पीएमपीएल बस चालकाने बस चालवत 15 वाहनांना धडक देण्याचा धक्कादायक प्रकार आज रविवारी सकाळी सेनापती बापट रोडच्या वेताळबाबा चौकात घडला असून सुदैवाने या मध्ये कोणतीही जीवित हानी झाली नाही.
मद्यधुंद अवस्थेत बस चालवणाऱ्या बस चालक निलेश सावंतच्या विरुद्ध गुन्हा नोंदवला आहे. कोथरूड डेपोची भाडेतत्त्वावरील बसचा चालक निलेश सावंत ने एनडीए गेट ते चिंचवड मार्गाने जात असताना रत्ना हॉस्पिटल जवळ बस चालक निलेश ने वेडीवाकडी बस चालवत एका कारला घासली यामुळेकार चालक आणि बस चालक निलेश यांच्यात बाचाबाची झाली. याचा राग डोक्यात घेत निलेश ने रस्त्यावरील कोणत्याही वाहनांचा विचार न करता बस उलटी चालवली आणि वाहने उडवली. आणि बस पुढे चौकात नेली. हे पाहून बसमधील प्रवासी घाबरले. त्यांनी फोनद्वारे पोलिसांना कळविले.
चतृशृंगी पोलिसांनी बस चालक निलेश सावंत याला बस सकट ताब्यात घेतले आहे. निलेश सावंत याच्यावर बेदरकारपणे बस चालवल्यामुळे गुन्हा दाखल केला आहे.