भाजपचे माजी खासदार किरीट सोमय्या अनेक दिवसांपासून राज्य सरकारमधील काही मंत्र्यांचे घोटाळे बाहेर काढत आहे. आज पुण्यात महापालिकेच्या जम्बो कोविड रुग्णालयाच्या कामात भ्रष्टाचाराच्या संदर्भात महापालिकेकच्या आयुक्तांना निवेदन देण्यासाठी पुणे महापालिकेत आल्यावर त्यांच्यावर शिवसैनिक आक्रमक झाले असून त्यांना धक्काबुक्की करण्यात आली .या मुळे ते पायऱ्यांवरून घसरून पडले. सुरक्षा रक्षकांनी प्रसंगावधान राखून त्यांना वेळीच गाडीत बसवल्यामुळे ते थोडक्यात बचावले. शिवसैनिकांनी सोमय्यांच्या गाडीचा पाठलाग करत त्यांना महापालिकेतून हुसकावून देण्यात आले. त्यामुळे ते महापालिकेच्या आयुक्तांना न भेटताच निघाले. सध्या किरीट सोमय्या यांना पुण्यातील संचेती रुग्णांलयात तपासणीसाठी दाखल करण्यात आले आहे.
