मिळालेल्या माहितीनुसार, जम्बो कोविड सेंटर मध्ये झालेल्या घोटाळ्याप्रकरणी महापालिका आयुक्तांची भेट घेण्यासाठी किरीट सोमय्या पुण्यात शनिवारी आले होते. दरम्यान शिवसेनेचे पुणे शहराध्यक्ष संजय मोरे आणि त्यांचासह आलेले काही साथीदार किरीट सोमय्या यांना निवेदन देण्यासाठी गेले असता काही शिवसैनिकांनी त्यांना अडवून घोषणाबाजी सुरु केली. हनक उडालेल्या गोंधळामुळे झालेल्या झटापटीत किरीट सोमय्या हे पायऱ्यांवरून घसरून पडले आणि त्यांच्या पाठीला दुखापत झाली. त्यांना उपचारासाठी तातडीने रुग्णालयात दाखल करण्यात आले.
