पुणे पोर्श कार अपघात प्रकरणात अल्पवयीन आरोपी मुलाच्या आई, वडील आणि आजोबाना पोलिसांनी ताब्यात घेतलं आहे. आज मुलाची आई आणि वडिलांना पुणे सत्र न्यायालयात हजर करण्यात आले असून मुलाच्या आई-वडिलांच्या कोठडीत 5 दिवसांची वाढ करण्यात आली आहे.
या कार अपघातात पोलिसांनी अल्पवयीन आरोपी मुलाच्या वडिलांना अटक केली होती. नंतर शनिवार 1 जून रोजी पोलिसांनी मुलाच्या आईला अटक केली होती. त्यांच्यावर रक्त नमुन्यात फेरफार केल्याचा आरोप आहे. पोलिसांनी आज दोघांना न्यायालयासमोर हजर केल्यानंतर न्यायालयाने त्यांना 5 दिवसांची कोठडी सुनावली आहे. पोलीस आता अपघात प्रकरणात दोघांची चौकशी करू शकतील.
