छत्तीसगडमधील रायपूर येथील एका हॉटेलमध्ये लग्न समारंभ सुरू असताना क्रेन तुटल्याने वधू-वर स्टेजवर पडले. सुदैवाने या अपघातात त्यांना फक्त किरकोळ दुखापत झाली. गोलाकार रिंगप्रमाणे बनवलेल्या झुल्यामध्ये वधू-वरांच्या प्रवेशादरम्यान हा अपघात झाला. या अपघाताबाबत इव्हेंट कंपनीने आपली चूक मान्य केली आहे. याप्रकरणी अद्यापपर्यंत कोणतीही तक्रार दाखल झालेली नाही. हे प्रकरण तेलीबांध पोलीस ठाण्याच्या हद्दीतील आहे.
दोघेही स्टेजवर पडताच आरडाओरडा झाला. सगळे स्टेजकडे धावले. मात्र, वधू-वर सुखरूप असल्याने सर्वांनी सुटकेचा नि:श्वास सोडला. दुसरीकडे हा अपघात झाल्याचे इव्हेंट कंपनीकडून सांगण्यात आले. 15 मिनिटे सगळे घाबरले, पण नंतर सगळ्यांनी मिळून खूप मजा केली. या अपघातात वधू-वरांना काही जखमा झाल्या, मात्र सर्व सुखरूप आहे.