कामरान अमीन असं या आरोपीचं नाव असल्याचे सांगितले जात आहे. कामरानने यूपी सरकारच्या सोशल मीडिया हेल्प डेस्कवर फोन करुन, मुख्यमंत्री आदित्यनाथ यांना बॉम्ब हल्ल्यात मारलं जाणार आहे अशी धमकी दिली. स्थानिक अधिकाऱ्यांनी लखनौ येथे अज्ञात व्यक्तीविरोधात गुन्हा दाखल केला तसेच तपासणीत ज्या मोबाईल नंबरवरुन धमकीचा फोन करण्यात आला तो मुंबईतला असल्याचं कळल्यावर महाराष्ट्र एटीएसच्या अधिकाऱ्यांना याविषयी माहिती देण्यात आली.
