मिळालेल्या माहितीनुसार केरळमधील कोट्टायम सरकारी नर्सिंग कॉलेजच्या वसतिगृहात एका ज्युनियर विद्यार्थ्यांवर झालेल्या रॅगिंग प्रकरणात राज्याच्या आरोग्य मंत्रालयाने मोठी कारवाई केली आहे. याअंतर्गत, मंत्रालयाने महाविद्यालयाचे प्राचार्य आणि एका सहाय्यक प्राध्यापकाला निलंबित केले आहे. याप्रकरणी मंत्रालयाने शुक्रवारी रात्री उशिरा एक निवेदन जारी करून माहिती दिली. वसतिगृहात एका ज्युनियर विद्यार्थ्याला रॅगिंग केल्याच्या प्रकरणामुळे राज्यभर संतापाचे वातावरण होते.
