आज ही यात्रा 25 किलोमीटरचे अंतर कापणार आहे. आज सवाई माधोपूर येथून यात्रा दौसा जिल्ह्यात दाखल झाली. दौसा हा राजस्थानचा 5 वा जिल्हा आहे, जिथे यात्रा पोहोचली आहे. आज राहुल गांधींसोबत गोविंद सिंग दोतासरा, अशोक गेहलोत आणि सचिन पायलट हेही यात्रेत सहभागी झाले . राहुल गांधी यांनी बागडी गावात सभेलाही संबोधित केले.
मंगळवारी सवाई माधोपूर येथील सुरवळ येथे सुरू झालेल्या यात्रेत अशोक गेहलोत, मुकुल वासनिक, आनंद शर्मा, सुखजिंदर सिंग रंधवा आणि सचिन पायलट सहभागी झाले होते. जम्मू-काश्मीरचे माजी मुख्यमंत्री ओमर अब्दुल्ला यांनी सांगितले की, भारत जोडो यात्रा जम्मू-काश्मीरमध्ये प्रवेश करेल तेव्हा नॅशनल कॉन्फरन्सचे फारूख अब्दुल्ला राहुल गांधींचे स्वागत करतील
