राजस्थानमध्ये शुक्रवारी मुख्यमंत्रिपदाचा शपथविधी सोहळा पार पडला. येथे प्रथमच आमदार झालेले भजनलाल शर्मा यांनी मुख्यमंत्रिपदाची शपथ घेतली. याशिवाय दिया कुमारी आणि प्रेमचंद बैरवा यांनी उपमुख्यमंत्रिपदाची शपथ घेतली. राज्यपाल कलराज मिश्रा यांनी त्यांना शपथ दिली.
पंतप्रधान नरेंद्र मोदी, केंद्रीय मंत्री अमित शहा, संरक्षण मंत्री राजनाथ सिंह यांच्यासह भाजपचे अनेक ज्येष्ठ नेते या कार्यक्रमात सहभागी झाले होते.