उल्हासनगरमधील हिल लाईन पोलिस गोळीबार प्रकरणी आरोपी गणपत गायकवाड हे सध्या पोलिस कोठडीत आहेत. महेश गायकवाड यांच्यावर २ फेब्रुवारीला रात्री पोलिस स्टेशनमध्ये त्यांनी फायरिंग केलं होतं. गणपत गायकवाड आणि महेश गायकवाड हे दोघेही कल्याणमधील कोळसेवाडी भागातील आहेत. त्याच भागातील वर्चस्व आणि राजकीय शत्रुत्वातून गोळीबार झाला होता. त्यानंतर आता राज ठाकरे आणि आदित्य ठाकरे दोघेही याच कोळसेवाडी परिसरात येणार आहेत. त्यामुळे या दोघांच्या दौ-याला विशेष महत्त्व आहे.
