मुंबई डीआरआयने मोठी कारवाई करत सुमारे १६० मेट्रिक टन बेकायदेशीरपणे आयात केलेल्या चिनी वस्तू जप्त केल्या आहे. यामध्ये चीनमध्ये बनवलेली खेळणी, बनावट सौंदर्य प्रसाधने आणि ब्रँड नसलेले शूज समाविष्ट आहे. जप्त केलेल्या वस्तूंची एकूण किंमत ६.५ कोटी रुपयांपेक्षा जास्त असल्याचे सांगितले जाते.
अधिकाऱ्यांनी सांगितले की, गुप्त माहितीच्या आधारे डीआरआयने गुजरातमधील मुंद्रा, हजीरा आणि कांडला सेझ बंदरांवर आणि हरियाणातील फरिदाबादमधील आयसीडी प्याला येथे छापे टाकले. या दरम्यान, तस्करी केलेल्या वस्तूंनी भरलेले १० कंटेनर पकडले गेले. तपासात असे दिसून आले की या कंटेनरमध्ये मोठ्या प्रमाणात खेळणी, काही बनावट सौंदर्य प्रसाधने आणि कोणत्याही ब्रँडशिवाय शूज लपवले होते.
अधिकाऱ्यांच्या म्हणण्यानुसार, ही सर्व खेळणी भारतीय मानक ब्युरो (BIS) च्या प्रमाणपत्राशिवाय भारतात आयात करण्यात आली होती, जी परकीय व्यापार धोरण आणि खेळणी (गुणवत्ता नियंत्रण) आदेश, २०२० चे उल्लंघन आहे. BIS चे पालन न करणाऱ्या अशा वस्तूंची देशात आयात करण्यास मनाई आहे. सध्या हे सामान देशाच्या कोणत्या भागात पुरवले जाणार होते हे स्पष्ट नाही. या संपूर्ण प्रकरणात पुढील तपास सुरू आहे आणि आरोपींवर कठोर कारवाई करण्याची तयारी सुरू आहे. अशी माहिती समोर आली आहे.
