मुंबईतील घाटकोपर येथील एका गोदामाला भीषण आग, अग्निशमन दलाच्या 8 गाड्या घटनास्थळी पोहोचल्या

मुंबईतील घाटकोपर भागात एका गोदामाला भीषण आग लागली आहे. ही आग सोमवारी सकाळी लागली असून माहिती मिळताच अग्निशमन दलाच्या 8 गाड्या घटनास्थळी दाखल झाल्या आहेत. आग आटोक्यात आणण्यासाठी अग्निशमन दलाचे जवान शर्थीचे प्रयत्न करत आहेत, मात्र अद्याप आग आटोक्यात आलेली नाही. आग विझवण्याचे प्रयत्न सुरू आहेत. आगीचे कारण अद्याप स्पष्ट झालेले नाही. 

#WATCH | Fire breaks out a godown in Ghatkopar area of Mumbai; eight fire engines rushed to the spot pic.twitter.com/tij8fX23sZ

— ANI (@ANI) January 3, 2022

घाटकोपर असल्फा हिमालय सोसायटीजवळील एका गोदामात हा अपघात झाला. सध्या आगीवर नियंत्रण मिळवण्याचे प्रयत्न सुरू आहेत. यापूर्वी मुंबईतील कांदिवली परिसरात भीषण आग लागल्याची घटना समोर आली होती. येथील हंसा हेरिटेज नावाच्या 15 मजली इमारतीच्या 14व्या मजल्यावर ही आग लागली. या अपघातात दोघांचा मृत्यू झाला होता.