मयत संदीप पासवान हा मुळात झारखंडचा रहिवासी होता. तो चार्टड अकाउंटंट होता.2018 मध्ये त्याच्या लग्नासाठी एका मुलीचा प्रस्ताव आला नंतर हळूहळू त्यांची जवळीक वाढली आणि ते एकमेकांना भेटू लागले. नंतर 2021 मध्ये त्या तरुणीने फ्लॅट खरेदीच्या नावावर संदीपकडून 1:25 लाख रुपये घेतले मात्र परत दिले नाही. संदीपला संशय आल्यावर त्याने तरुणींकडून पैसे परत मागितले.
17 सप्टेंबर रोजी सकाळी 7 वाजेच्या सुमारास संदीपने चेंबूरच्या घरात फेसबुक लाईव्ह करत अंगावरील मारहाणीच्या जखमा दाखवल्या आणि फाटलेले कपडे दाखवत मानसिक छळ करण्याचा आरोप तरुणी आणि तिच्या कुटुंबियांवर केला. शारीरिक आणि मानसिक छळाला कंटाळून मी आत्महत्या करत आहे असे म्हटले. संदीपच्या मित्रांनी हा व्हिडीओ बघितल्यावर पोलिसांना माहिती दिली. मात्र पोलिसांच्या पोहोचण्यापूर्वीच संदीपने गळफास घेत आत्महत्या केली.
