मुंबईत साकीनाका बलात्कार प्रकरणाची घटना ताजी असतानाच अवघ्या १५ दिवसांत मुंबईत आणखी एक धक्कादायक घटना घडली आहे. या घटनेमुळं खळबळ उडाली आहे. मुंबईत रहिवासी सोसायटीच्या वॉचमनने एका ११ वर्षीय मुलीवर अत्याचार केल्याचा प्रकार उघडकीस आला आहे. कांजूरमार्गमध्ये हा प्रकार घडला असून पोलिसांनी वॉचमनला अटक केली आहे.
शुक्रवारी रात्रीच वॉचमॅनला अटक करण्यात आली आहे. दरम्यान, सोसायटीची सुरक्षा ज्यांच्याकडे असते त्या सुरक्षा राक्षकानेच मुलीवर अत्याचार केल्याने संतापाची लाट उसळली आहे. या आरोपीला कठोरात कठोर शासन व्हावे, अशी मागणी परिसरातील रहिवाशांकडून होत आहे.
