लहान मुले पालक खात नसतील तर पालक-राईस बनवून करा ऑयरनची कमतरता भरुन काढा
सोमवार, 13 डिसेंबर 2021 (14:21 IST)
तुम्ही बर्‍याचदा मटर पुलाव खाल्ला असेल जो खूप सामान्य आहे, पण तुम्ही पालक भाताची रेसिपी कधी ट्राय केली आहे का? हिवाळ्यात घरात लहान मुले असोत वा वडीलधारी मंडळी, काहीतरी नवीन खाण्याची मागणी असते. अशा परिस्थितीत जर तुम्ही पालक भाताची रेसिपी कधीच ट्राय केली नसेल तर आज आम्ही तुम्हाला या स्वादिष्ट आणि आरोग्यदायी रेसिपीबद्दल सांगणार आहोत. हे बनवायला खूप सोपे आहे आणि त्यात उपस्थित पालक तुमच्या कुटुंबासाठी लोहाचा एक आरोग्यदायी डोस असेल.
हिवाळ्यात पालकाचे सेवन केल्याने आरोग्यासाठी अनेक फायदे होतात. विशेष बाब म्हणजे पालक सर्व वयोगटातील लोकांसाठी फायदेशीर आहे. पालकामध्ये भरपूर पोषक आणि भरपूर अँटिऑक्सिडंट असतात.
पालक राईस बनवण्यासाठी, सर्वप्रथम बासमती तांदूळ शिजवा जसे आपण साधा भात तयार करतो. तुम्हाला हवे असल्यास तुम्ही ते इलेक्ट्रिक कुकर किंवा प्रेशर कुकरमध्येही तयार करू शकता.
तांदूळ शिजेपर्यंत मिक्सरच्या भांड्यात आवश्यकतेनुसार पालक घ्या आणि बारीक करा, बारीक करताना थोडे मीठ घाला. बारीक झाल्यावर पालकाची पेस्ट खूप घट्ट होत असेल तर त्यात थोडे पाणी टाका, आता गॅसवर पेन ठेवून तेल गरम करा, तेल गरम झाल्यावर त्यात जिरे, लसूण आणि हिरव्या मिरच्या घाला. 30 ते 40 सेकंद शिजवा. नंतर बारीक चिरलेला कांदा घाला आणि हलका सोनेरी होईपर्यंत ढवळत राहा. कांदा शिजवताना गॅस मध्यम आचेवर असावा हे लक्षात ठेवा.
कांद्याचा रंग बदलू लागला की त्यात बारीक चिरलेला बटाटा घाला. सर्व मसाले मिसळा आणि 30 सेकंद ढवळत राहा, सर्व भाज्या नीट मिक्स होतील. आता त्यात पालक प्युरी घाला. आता पालकाचा कच्चा वास निघेपर्यंत ढवळत रहा. तुम्हाला हवे असल्यास चवीनुसार मीठ घालू शकता.
आता यात भात घालून चांगल्याप्रकारे मिक्स करुन घ्या आणि गरमागरम सर्व्ह करा.
