साहित्य -
200 ग्रॅम खजूर, 1 कप दूध, दीड कप पिठी साखर, 1/4 कप साजूक तूप, 100 ग्रॅम काजू, 1 लहान चमचा वेलची पूड.
कृती -
सर्वप्रथम एका भांड्यात दूध गरम करायला ठेवा आणि त्यामध्ये खजूर देखील घाला. उकळी येऊ द्या. दूध घट्ट झाल्यावर गॅस कमी करा. एका वेगळ्या पॅनमध्ये थोडंसं तूप गरम करा. त्यामध्ये काजू परतून घ्या. खजूराचे मिश्रण घट्ट झाल्यावर या मध्ये पिठी साखर, तूप, आणि काजू घाला. मिश्रणाने पॅनचे कडे सोडल्यावर त्यामध्ये वेलची पूड घाला. एका भांड्यावर तूप लावा मिश्रण टाकून सेट होण्यासाठी ठेवा. मिश्रण थंड झाल्यावर समजावं की शिरा तयार झाला आहे. शिरा खाण्यासाठी सर्व्ह करा.
* शिरा आपण 3 दिवस पर्यंत फ्रिजमध्ये ठेवू शकता.
*खजूराच्या शिऱ्याला काही आकार द्यावयाचे असेल तर शिरा थंड होऊ द्या मगच काही आकार द्या नाही तर गरम असताना दिल्यावर त्याचे आकार बिघडू शकतो.
