तुम्हाला माहित आहे का की जगातील सर्वात हलकी व्यक्ती मेक्सिकोची लुसिया झारेट होती. १७ व्या वर्षी तिचे वजन मांजरापेक्षाही कमी होते. गिनीज वर्ल्ड रेकॉर्ड्समध्ये सर्वात हलकी व्यक्ती म्हणून तिच्या नावाची नोंद आहे.
लुसिया झारेट जिचे वजन मांजर आणि नवजात बाळापेक्षाही कमी होते. जेव्हा लुसिया १७ वर्षांची होती, तेव्हा तिचे वजन फक्त २.१३ किलो होते. गिनीज वर्ल्ड रेकॉर्ड्समध्ये लुसियाच्या नावाची 'पृथ्वीवरील सर्वात हलकी व्यक्ती' म्हणून नोंद आहे.
गिनीज वर्ल्ड रेकॉर्डनुसार, लुसिया ही लिलिपुट सिंड्रोम असलेली एक मुलगी होती, जिचा जन्म २ जानेवारी १८६३ रोजी मेक्सिकोमध्ये झाला होता. जन्माच्या वेळी, लुसियाचे वजन फक्त १.१ किलोग्राम होते. काही दिवसांनंतर, तिची उंची केवळ ६७ सेंटीमीटर वाढली आणि वजन १.१३ किलोग्राम झाले. वयाच्या १७ व्या वर्षी तिचे वजन फक्त २.१३ किलोग्राम झाले. लुसिया २० वर्षांची होईपर्यंत, तिचे वजन अंदाजे ५.९ किलोग्रामपर्यंत वाढले होते.
लुसिया इतकी हलकी होती की कोणीही तिला एका हाताने सहज उचलू शकत होते. तिची चपळता आणि बुद्धिमत्ता उल्लेखनीय होती. डॉक्टरांचा असा विश्वास आहे की तिला 'लिलिपुटियन' सिंड्रोम हा आजार होता. 'मेक्सिकन लिलिपुट' म्हणून ओळखल्या जाणाऱ्या लुसियाने अमेरिकन सर्कस आणि साइडशोमध्ये भाग घेऊन जगभर प्रसिद्धी मिळवली. तिची उंची आणि वजन, तसेच तिचे शिक्षण आणि बहुभाषिक कौशल्ये, यांमुळे ती तिच्या काळातील सर्वात महागड्या कलाकारांपैकी एक बनली होती.
वैद्यकीय जगातील सर्वात लहान आणि हलकी व्यक्ती असलेली लुसिया, १८८९ मध्ये एका हिमवादळात सापडली. तिला हायपोथर्मियाचा त्रास झाला, वयाच्या अवघ्या २६ व्या वर्षी मरण पावली.
