प्रियांक पांचाळने सर्व प्रकारच्या क्रिकेटमधून निवृत्तीची घोषणा केली

मंगळवार, 27 मे 2025 (09:42 IST)
गुजरातचा माजी कर्णधार प्रियांक पांचाळने सर्व प्रकारच्या क्रिकेटमधून निवृत्तीची घोषणा केली. गुजरात क्रिकेट असोसिएशनने (जीसीए) सोमवारी ही माहिती दिली.
ALSO READ: हा महान खेळाडू कसोटी क्रिकेटमधून निवृत्त होणार,जूनमध्ये खेळणार शेवटचा सामना
जीसीएचे सचिव अनिल पटेल म्हणाले, गुजरात क्रिकेट असोसिएशन प्रियांक पांचाळ यांना त्यांच्या शानदार कारकिर्दीबद्दल अभिनंदन केले. या फलंदाजाने सर्व प्रकारच्या क्रिकेटमधून निवृत्ती घेण्याचा निर्णय घेतला आहे.
ALSO READ: इंग्लंड दौऱ्यासाठी टीम इंडियाचा नवीन कसोटी कर्णधार म्हणून शुभमन गिलची निवड
भारत अ संघाचे नेतृत्व करणाऱ्या गुजरातच्या या फलंदाजाने देशांतर्गत क्रिकेटमध्ये 14 हजार हून अधिक धावा केल्या आहेत . त्याने 127 प्रथम श्रेणी सामन्यांमध्ये 45.18  च्या सरासरीने 8856 धावा केल्या. यामध्ये 29 शतके आणि 34अर्धशतकांचा समावेश आहे. त्याच वेळी, त्याच्या नावावर 97 लिस्ट ए आणि 59 टी-20 सामन्यांमध्ये अनुक्रमे 3672 आणि 1522 धावा आहेत. याशिवाय, त्याने या तिन्ही फॉरमॅटमध्ये अनुक्रमे 16, 4 आणि 4 विकेट्स घेतल्या.
ALSO READ: गुजरात टायटन्सने आयपीएलमध्ये इतिहास रचला
पांचाळने 2016-17 च्या रणजी ट्रॉफी हंगामात चमकदार कामगिरी केली होती. त्याने 314 धावांची नाबाद खेळी करत एकूण 1310 धावा केल्या. त्याच्या दमदार खेळीमुळे त्यावेळी गुजरात विजेता ठरला. तो 2015-16 मध्ये विजय हजारे ट्रॉफी आणि 2012-13 आणि 2013-14 मध्ये सय्यद मुश्ताक अली ट्रॉफी जिंकणाऱ्या गुजरात संघाचा सदस्य होता.
Edited By - Priya Dixit   
 

वेबदुनिया वर वाचा

संबंधित माहिती