आयपीएल 2024 मुंबई इंडियन्ससाठी दुःस्वप्नापेक्षा कमी नाही. हंगाम सुरू होण्यापूर्वीच मुंबई इंडियन्सने रोहित शर्माच्या जागी हार्दिक पांड्याला कर्णधार बनवले. सुरुवातीच्या सामन्यांमध्ये हार्दिकला ट्रोलिंगचा सामना करावा लागला होता. त्यानंतर मुंबईचा संघ प्लेऑफसाठीही पात्र ठरू शकला नाही. आयपीएल 2024 च्या 14 सामन्यांपैकी केवळ चार सामने जिंकण्यात संघाला यश आले आहे. त्यामुळे पॉइंट टेबलमध्ये मुंबई इंडियन्स शेवटच्या स्थानावर आहे. पण प्लेऑफमध्ये न पोहोचता मुंबई इंडियन्स संघाने आयपीएल 2024 मध्ये तीन मोठे विक्रम केले आहेत.
