मल्टिप्लेक्स चेन INOX पुढील आठवड्यापासून देशभरातील सिनेमागृहांमध्ये सुरू होणाऱ्या ICC T20 विश्वचषक स्पर्धेतील भारतीय क्रिकेट संघाचे थेट प्रक्षेपण करणार आहे. आयनॉक्स लीजर लिमिटेडने सांगितले की, यासाठी त्यांनी आंतरराष्ट्रीय क्रिकेट परिषद (ICC)सोबत करार केला आहे. करारानुसार, INOX टीम इंडियाचे सर्व गट सामने थेट सिनेमागृहात प्रसारित करेल.
टी-20 विश्वचषक स्पर्धेत भारतीय संघ 23 ऑक्टोबरला पाकिस्तानविरुद्धच्या मोहिमेला सुरुवात करणार आहे. चांगली गोष्ट म्हणजे क्रिकेटप्रेमींना हा सामना थिएटरमध्ये मोठ्या पडद्यावर आरामात पाहता येणार आहे. आयनॉक्सने सांगितले की, भारत विरुद्धच्या सामन्यासोबतच उपांत्य फेरी आणि अंतिम सामन्यांचेही थेट प्रक्षेपण केले जाईल. भारतीय क्रिकेट संघाचे सामने 25 हून अधिक शहरांमधील INOX मल्टिप्लेक्सवर थेट प्रक्षेपित केले जातील, असे कंपनीने म्हटले आहे.
