भारताविरुद्धच्या चौथ्या कसोटी सामन्यात जो रूटने जोरदार फलंदाजी केली आणि भारतीय गोलंदाजांना धुडकावून लावले. सध्या रूट उत्कृष्ट फॉर्ममध्ये आहे आणि त्याने सध्याच्या कसोटी मालिकेत भरपूर धावा केल्या आहेत. चौथ्या कसोटीत त्याने धावा काढण्यात कोणतीही घाई दाखवली नाही. त्याने वाईट चेंडूंना सीमा ओलांडून मारले, तर चांगल्या चेंडूंना पूर्ण आदर दिला.
जयवर्धनेने श्रीलंकेत 23 कसोटी शतके, कॅलिसने दक्षिण आफ्रिकेत आणि पॉन्टिंगने ऑस्ट्रेलियात केली होती. तर सचिनने भारतात 22 कसोटी शतके झळकावली होती. आता रूटने मायदेशात सर्वाधिक कसोटी शतके झळकावण्याच्या बाबतीत महान फलंदाज तेंडुलकरच्या पुढे गेला आहे.भारताविरुद्धच्या पहिल्या कसोटी सामन्यात जो रूटने अर्धशतक झळकावले आणि 53 धावांची खेळी केली.
भारताविरुद्धच्या चौथ्या कसोटी सामन्यात इंग्लंडचा कर्णधार बेन स्टोक्सने नाणेफेक जिंकून प्रथम गोलंदाजी करण्याचा निर्णय घेतला. त्यानंतर भारतीय संघ 358 धावांवर सर्वबाद झाला. त्यानंतर इंग्लंडची सुरुवात खूप चांगली झाली. सलामीवीरांनी 166 धावांची भागीदारी केली. जॅक क्रॉलीने 84 धावा, बेन डकेटने 94 धावा आणि ऑली पोपने 71 धावा केल्या. रूट 116 धावा आणि बेन स्टोक्स 32 धावा घेऊन क्रीजवर आहे. इंग्लंडने 424 धावा केल्या आहेत आणि त्यांच्याकडे 66 धावांची आघाडी आहे.
