भारत आणि वेस्ट इंडिज यांच्यात सुरू असलेल्या कसोटी सामन्यात रोहित ब्रिगेडने आपल्या दुसऱ्या डावात वेगवान धावा केल्या आहेत. भारताने वेस्ट इंडिजविरुद्धच्या दुसऱ्या क्रिकेट कसोटीच्या चौथ्या दिवशी दुसऱ्या डावात 2 बाद 181 धावा करून डाव घोषित केला आहे. यादरम्यान इशान किशननेही ऋषभ पंतच्या बॅटने धडाकेबाज अर्धशतक झळकावले. पावसामुळे सामनाही मध्येच थांबवावा लागला. आता यजमान संघाला 365 धावांचे लक्ष्य मिळाले असून त्यात संघाने दोन गडी गमावून 76 धावा केल्या आहेत.
या सामन्यात भारतानेही मोठा विक्रम केला आहे. या सामन्यात भारतीय संघाने केवळ 74 चेंडूत 100 धावा केल्या आहेत. या जोरावर धावा करत भारतानेही मोठा विक्रम केला आहे. कसोटी क्रिकेटच्या इतिहासात सर्वात जलद 100 धावा करण्याचा विक्रमही भारतीय संघाच्या नावावर आहे. या सामन्यात रोहित शर्मा (57 धावा, 44 चेंडू, 5 चौकार, 3 षटकार) आणि यशस्वी जैस्वाल (38 धावा, 30 चेंडू, 4 चौकार, 1 षटकार) यांनी खेळी केली. कसोटी सामन्यात प्रेक्षकांना टी-20 चा आनंद लुटता आला. या सामन्यात रोहित शर्माने अवघ्या 35 चेंडूत आपले अर्धशतक पूर्ण केले.
या सामन्यात रोहित शर्मा आणि यशस्वी जैस्वाल यांनी कसोटी मालिकेत नवा विक्रम केला आहे. रोहित शर्मा आणि यशस्वी जैस्वाल यांनी सलग कसोटी सामन्यांच्या दोन्ही डावांमध्ये सर्वोच्च भागीदारी केली आहे. दुसऱ्या कसोटी सामन्याच्या चौथ्या दिवशी या दोन्ही खेळाडूंनी ही मोठी कामगिरी केली आहे. दोघांनी सामन्यातील पहिल्या भागीदारीत 139 धावा केल्या होत्या. आणि दुसऱ्या भागीदारीत दोघांनी 98 धावा केल्या आहेत.पहिल्या कसोटी सामन्यात, रोहित आणि यशस्वी यांनी पहिल्या आणि दुसऱ्या डावात 229 धावांची भागीदारी केली होती. त्याचवेळी, दोन सामन्यांच्या कसोटी मालिकेत दोघांनी 466 धावांची भागीदारी केली आहे. यासह दोघांनी नवा विक्रम केला आहे. वेस्ट इंडिजविरुद्ध भारतीय सलामी जोडीने केलेल्या या सर्वाधिक धावा आहेत.
या सामन्याच्या दुसऱ्या डावात फलंदाजी करताना त्याने अवघ्या 24 षटकात 181 धावा केल्या.
रोहित आणि यशस्वीने दुसऱ्या डावात 28 चेंडूत 50 धावा जोडल्या. भारतीय संघातील पहिल्या विकेटसाठी ही सर्वात जलद भागीदारी आहे.
