virat kohli century News: भारतीय फलंदाज विराट कोहलीने आपला खराब फॉर्म मागे टाकत ऑस्ट्रेलियाविरुद्ध पर्थ येथे खेळल्या जात असलेल्या बॉर्डर-गावस्कर ट्रॉफीच्या पहिल्या सामन्यात शतक झळकावले आहे. पहिल्या डावात पाच धावा करून बाद झालेल्या कोहलीने दुसऱ्या डावात चांगली कामगिरी करत आपल्या कसोटी कारकिर्दीतील 30 वे शतक झळकावले
कोहली आपल्या शतकाच्या जोरावर ऑस्ट्रेलियात सर्वाधिक कसोटी शतके झळकावणारा भारतीय फलंदाज ठरला आहे. कोहलीचे हे ऑस्ट्रेलियातील सातवे कसोटी शतक आहे, तर सचिनने त्याच्या कारकिर्दीत ऑस्ट्रेलियात सहा शतके झळकावली होती. एवढेच नाही तर सहा वर्षांनंतर कोहलीचे ऑस्ट्रेलियातील कसोटी फॉर्मेटमधील हे पहिले शतक आहे.
आणि यासह तो विरोधी संघाच्या घरी सर्वाधिक शतके करणारा भारताचा खेळाडू बनला आहे. या बाबतीत त्याने महान फलंदाज सुनील गावस्करची बरोबरी केली आहे. गावसकर यांनी त्यांच्याच देशात वेस्ट इंडिजविरुद्ध सात कसोटी शतके झळकावली आहेत. त्याच वेळी, राहुल द्रविड आणि सचिन तेंडुलकर यांनी अनुक्रमे इंग्लंड आणि ऑस्ट्रेलियामध्ये प्रत्येकी सहा कसोटी शतके झळकावली आहेत.
