अफगाणिस्तानचा रहमानउल्ला गुरबाज 2024 च्या टी-20 विश्वचषकात सर्वाधिक धावा करणारा फलंदाज ठरला आहे. तो पहिल्या क्रमांकावर पोहोचला आहे. आत्तापर्यंत त्याने 2024 च्या T20 विश्वचषकातील 2 सामन्यात 156 धावा केल्या आहेत. गुरबाजने युगांडाविरुद्ध 76 धावा आणि न्यूझीलंडविरुद्धच्या सामन्यात ८० धावा केल्या आहेत. दोन्ही सामन्यात त्याने अर्धशतके झळकावली आहेत.
T20 विश्वचषक 2024 मध्ये सर्वाधिक धावा करणाऱ्या अमेरिकेचा ॲरॉन जोन्स दुसऱ्या क्रमांकावर आहे. त्याने 2 सामन्यात 130 धावा केल्या आहेत. अफगाणिस्तानचा इब्राहिम झद्रान तिसऱ्या क्रमांकावर आहे. त्याने 2 सामन्यात 114 धावा केल्या आहेत. सध्याच्या T20 विश्वचषकात भारतीय संघाने आतापर्यंत फक्त एकच सामना आयर्लंडविरुद्ध खेळला आहे. रोहित शर्माने T20 विश्वचषक 2024 मध्ये भारतासाठी सर्वाधिक 52 धावा केल्या आहेत. मात्र तो रहमानउल्ला गुरबाजपेक्षा 104 धावांनी मागे आहे.
गुरबाजने न्यूझीलंडविरुद्धच्या सामन्यात 56 चेंडूत 80 धावांची खेळी केली, ज्यात पाच चौकार आणि पाच षटकारांचा समावेश होता. T20 विश्वचषकाच्या इतिहासात अफगाणिस्तानसाठी सर्वात मोठी खेळी खेळणारा तो खेळाडू बनला आहे. त्याने स्वतःचाच विक्रम मोडला आहे.
