रिझर्व्ह बँक ऑफ इंडियाने (आरबीआय) बुलेटिनमध्ये म्हटले आहे की ऑगस्टमध्ये टोमॅटोच्या किमती आणखी वाढू शकतात. मात्र, अलीकडच्या आकडेवारीत टोमॅटोच्या दरात काहीशी घसरण झाली आहे. सप्टेंबर महिन्यात कांद्याच्या दरातही वाढ होण्याची शक्यता अनेक अहवालांमध्ये व्यक्त करण्यात आली आहे. कांद्याचा भाव 50 ते 60 रुपयांपर्यंत असण्याची शक्यता आहे.
अनेक व्यापाऱ्यांचे म्हणणे आहे की, निकृष्ट दर्जाच्या कांद्याचा मोठा वाटा याशिवाय, इतर भाज्यांची वाढलेली महागाई देखील कांद्याच्या दरात वाढ होण्यास कारणीभूत आहे.
आवश्‍यकतेनुसार टोमॅटो मिळत नसल्यामुळे आधीच महागाई वाढत आहे. अशा परिस्थितीत कांद्याच्या दरात वाढ झाली तर त्याचा थेट परिणाम मध्यमवर्गीयांवर होऊ शकतो. मात्र, अलीकडच्या काळात टोमॅटोच्या किमती आटोक्यात आणण्यात काही प्रमाणात यश आल्याचे दिसत आहे. त्यामुळे खबरदारीचा उपाय म्हणून कांद्याचीही उपलब्धता कायम ठेवण्याचा सरकारचा प्रयत्न आहे.
सरकारने सोमवारी सांगितले की, कांद्यावर 40 टक्के निर्यात शुल्क लावण्याचा निर्णय हा अकाली नसून वेळेवरचा आहे. देशांतर्गत पुरवठा वाढवण्यासाठी आणि किरकोळ किमती नियंत्रित करण्यासाठी हे पाऊल योग्य वेळी उचलण्यात आल्याचे सरकारच्या वतीने सांगण्यात आले.
