बांगलादेशात लष्कराचे विमान कोसळले आहे. या अपघातात एकाचा मृत्यूही झाला आहे.
मिळालेल्या माहितीनुसार, बांगलादेशच्या उत्तरा भागात ही दुर्घटना घडली आहे. बांगलादेश हवाई दलाचे एक F7 प्रशिक्षण विमान सोमवारी दुपारी ढाका येथे कोसळले. बांगलादेशच्या उत्तरेकडील भागात ही दुर्घटना घडली आहे. सध्या या अपघातात एका व्यक्तीचा मृत्यू झाल्याची पुष्टी झाली आहे. विमान कोसळल्याने त्याला आग लागली. बऱ्याच प्रयत्नांनंतर आग आटोक्यात आणण्यात आली. हजरत शाहजलाल आंतरराष्ट्रीय विमानतळाच्या वरिष्ठ अधिकाऱ्याने या घटनेला दुजोरा दिला आहे. तथापि, अद्याप जीवितहानीबद्दल स्पष्ट माहिती देण्यात आलेली नाही.
मदत आणि बचाव कार्य सुरू आहे
लढाऊ विमान कोसळल्याची माहिती मिळताच अग्निशमन विभागाची एक टीम घटनास्थळी पाठवण्यात आली आहे. बांगलादेश लष्कराचे सदस्य आणि अग्निशमन सेवा आणि नागरी संरक्षण दलाच्या आठ गाड्या घटनास्थळी पाठवण्यात आल्या आहेत. सध्या घटनास्थळी मदत आणि बचाव कार्य सुरू करण्यात आले आहे.
