रामचंद्रांची आरती Shriram Aarti Marathi

रामचंद्राचीं आरती - अवतरला रघुपती जे 

अवतरला रघुपती जे । आनंदली वसुधा ते ॥

गंधर्व वनिता माध्यान्ह समयी ।

मंगल घोषे नाचति थैथै ॥ धृ. ॥

अमृतकल्या वल्या ।

चांफेकळ्या त्या फुलल्या ॥

प्रसृत झाली श्रीकौसल्या ।

सरिता वाहे अमृततुल्या ॥ अवतरला ॥ १ ॥

वाजंत्रांचे जोड ।वाजती द्वारापुढे ॥

अंगणिं कुंकुंमकेशरि सडे ।

गुढीया मखरें चहूंकडे ॥ अवतरला ॥ २ ॥

क्षीराब्धीसम वाडे सुरतरुचीं फुलझाडे ।

अरुंधती बाळंतिणीकडे धांटीतसे हो बोळवीडे ॥ अवतरला ॥ ३ ॥

देवाधर्मासाठीं । कितीं सोसू काटाटी ॥

मुक्तीचे मस्तकि देऊन पाटी ।

मध्वमूनीश्वर साखर वांटी ॥ अवतरला ॥ ४ ॥