इंस्टंट मेसेजिंग अ‍ॅप व्हॉट्सअ‍ॅप (WhatsApp)आपल्या युजर्सला चांगला अनुभव देण्यासाठी नवनवीन फीचर्स आणत असते. काही दिवसांपुर्वीच कंपनीने डार्कमोड फीचर रोल आउट केले होते. कंपनीने युजर्सचा चॅटिंग अनुभव मजेशीर करण्यासाठी GIF फीचर देखील सादर केले आहे. मात्र आता युजर्स स्वतःला हवे तशी GIF फाईल तयार करू शकतात.
अनेकदा चॅटिंग करताना GIF चा उपयोग करून एक्सप्रेशन शेअर केले जाते. मात्र स्वतः जीफ फाईल तयार करणे युजर्ससाठी मजेशीर असणार आहे.व्हॉट्सअ‍ॅपमध्ये कोणत्याही फाईलला जिफमध्ये बदलण्यासाठी तुम्ही फोनमधील कोणत्याही व्हिडीओचा वापर करू शकता. यानंतर व्हॉट्सअ‍ॅपमध्ये जाऊन कोणत्याही नंबरवर चॅट विंडो उघडा. चॅट विंडोमध्ये खालील बाजूला अटॅचमेंट आयकॉन दिसेल. यात तुम्हाला गॅलेरीचा पर्याय निवडावा लागेल. गॅलेरीत जाऊन ज्या व्हिडीओला जिफमध्ये बदलायचे आहे, तो व्हिडीओ निवडा.
