IPL 2022 च्या 18 व्या सामन्यात रॉयल चॅलेंजर्स बंगळुरूने मुंबई इंडियन्सचा 7 गडी राखून पराभव केला. या विजयासह आरसीबीने गुणतालिकेत तिसऱ्या क्रमांकावर मजल मारली आहे. प्रथम फलंदाजी करताना मुंबईने आरसीबीसमोर 152 धावांचे लक्ष्य ठेवले होते, जे संघाने 9 चेंडू राखून पूर्ण केले. आरसीबीकडून अनुज रावतने 66 आणि विराट कोहलीने 48 धावा केल्या.फाफ डू प्लेसिसने नाणेफेक जिंकून प्रथम गोलंदाजी करण्याचा निर्णय घेतला.
रोहित शर्मा आणि इशान किशन यांनी प्रत्येकी 26 धावा करत मुंबईला वेगवान सुरुवात करून दिली. 50 धावांवर रोहित शर्माच्या रूपाने मुंबईला पहिला धक्का बसला. पण पुढच्या 12 धावांत मुंबईने आणखी 4 विकेट गमावल्या. 50 धावांवर पहिला विकेट पडल्यानंतर मुंबईची धावसंख्या 6 गड्यांच्या मोबदल्यात 62 धावा होती. रमणदीप सिंगच्या रूपाने मुंबईला सहावा धक्का बसला. तेव्हा मुंबई 120 धावांवर कमी पडेल असे वाटत होते. पण सूर्यकुमार यादवला काही वेगळेच मान्य होते. या खेळाडूने 68 धावांची खेळी करत संघाला 151धावांपर्यंत नेले. सूर्यकुमार यादवने या खेळीत 5 चौकार आणि 6 गगनचुंबी षटकार ठोकले. आरसीबीकडून हर्षल पटेल आणि वानिंदू हसरंगा यांनी प्रत्येकी 2 बळी घेतले.
