अमेरिकेतल्या गिलियड सायन्स कंपनीचं औषध रेमडेसिवीर हे अँटिव्हायरल औषध असून कोरोना रुग्णांवर प्रभावी असल्याचे दिसून येत आहे. कोरोना रुग्णांवर या औषधाचा सकारात्मक परिणाम दिसून येत असून यूएस फूड अँड ड्रग अ‍ॅडमिनिस्ट्रेशनने या औषधाचा कोरोना रुग्णांवर आपात्कालीन उपचारासाठी वापर करण्यास मंजुरी दिली. भारतातही कोरोना रुग्णांवर उपचारासाठी आपत्कालीन वापरासाठी या औषधाला परवानगी देण्यात आली आहे.
