सध्या जगभरात करोना व्हायरसनं थैमान घातलं आहे. या व्हायरची उत्पत्ती चीनमधून झाल्याचा दावाही अनेक देशांकडून करण्यात आला आहे. अशा परिस्थिती चीनमध्ये आणखी एक नवा स्वाईन फ्लू सापडल्याचा दावा धक्कादायक आहे. अमेरिकन सायन्स जर्नल PANS मध्ये प्रकाशित अहवालानुसार हा नवा स्वाईन फ्लू 2009 मध्ये जगभरात पसलेल्या H1N1 चाच जेनेटिकल डिसेंडेंट असून अधिक गंभीर स्वरूपाचा असल्याचा दावा करण्यात आला आहे.
शोध
नव्या स्वाईन फ्लूला जी 4 असं नाव देण्यात आलं आहे. याचा शोध घेण्यासाठी चीनच्या वैज्ञानिकांनी 2011 ते 2018 या कालावधीत संशोधन केलं. दरम्यान 10 राज्यांमधील 30 हजार डुकरांच्या नाकातून नमूने घेऊन तपासणी केली. यावरून चीनमध्ये 179 प्रकारचे स्वाईन फ्लू असल्याची माहिती समोर आली आहे. या सर्वांमध्ये जी 4 ला वेगळं करण्यात आलं.
धोका
जी 4 हा स्वाईन फ्लू मानवामध्ये वेगानं आणि गंभीरतेनं पसरू शकतो.
हा व्हायरस मानवी शरीरात अधिक तीव्रतेनं पसरतो.
हा सीजनल फ्लू असल्यामुळे कोणालाही जी 4 स्वाईन फ्लूपासून इम्युनिटी मिळणार नाही.
सामान्य फ्लूपासून रक्षण होत असलं तरी जी 4 गंभीर रुप धारण करु शकतो.
