तोरेऑनहून रविवारी विमान मॅक्सीको-सिटीकडे निघाले होते. विमान हवेत असताना खिडकीच्या वरच्या बाजूला प्रवाशांना अचानक साप दिसला अन् प्रवाशांची घबराट उडाली. प्रवाशांनी सीट बेल्ट खोलले आणि तिथून दूर सरकले. हा साप फ्लोरवर पडला तेव्हा फ्लाइट अटेंडेंटच्या मदतीने त्याला पकडले गेले.
याबाबतची माहिती वैमानिकांना दिली. यामुळे विमान जवळच्या विमानतळावर उतरविण्यात आले. प्राणिमित्राला बोलावून सापाला पकडण्यात आले. दरम्यान, विमानात साप आलाच कसा याबाबतची चौकशी सुरु करण्यात आली आहे.