इजिप्तच्या किनाऱ्याजवळ पर्यटक पाणबुडी बुडाली, ६ जणांचा मृत्यू

Egypt News: इजिप्तच्या किनाऱ्याजवळ एक पर्यटक पाणबुडी बुडाल्याने सहा जणांचा मृत्यू झाला. तर  ९ जण जखमी झाले आहे अशी माहिती समोर आली आहे.

मिळालेल्या माहितीनुसार इजिप्तच्या किनाऱ्याजवळ एक पाणबुडी बुडाल्याने अनेक जणांचा मृत्यू झाला आहे. इजिप्तच्या लाल समुद्रातील लोकप्रिय ठिकाण असलेल्या हुरघाडा येथे हा अपघात घडल्याचे सांगण्यात येत आहे, जिथे एक पर्यटक पाणबुडी बुडाल्याने सहा जणांचा मृत्यू झाला आणि नऊ जण जखमी झाले.

इजिप्तच्या अधिकाऱ्यांनी गुरुवारी ही माहिती दिली. तसेच आपत्कालीन पथकांनी २९ लोकांना वाचवण्यात यश मिळवले. ही पाणबुडी पर्यटन रिसॉर्ट परिसरातील एका समुद्रकिनाऱ्यावरून जात होती. जहाजात वेगवेगळ्या देशांचे ४५ पर्यटक होते.   

Edited By- Dhanashri Naik