२०२३ साला पर्यंत स्पेसएक्स रॉकेटमधून चंद्रावर फिरायला जाणारे ते पहिलेच सामान्य व्यक्ती असणार आहेत. १९७२ मध्ये अमेरिकेच्या अपोलो मिशन नंतर मायजावा हे चंद्रावर जाणारे पहिले प्रवासी असणार आहेत. या चांद्र सफरीसाठी त्यांनी कंपनीला नेमकी किती रक्कम दिली ते मात्र गुलदस्त्यात ठेवण्यात आले आहे. ‘माझे चंद्रावर प्रेम आहे. मला लहानपणापासून चंद्रावर फिरायला जाण्याची इच्छा होती. माझ्या आयुष्याचं ते स्वप्न आहे. माझ्या बरोबर मी जगातील ८ कलाकारांनाही सोबत नेणार आहे’. असे मायजावा यांनी सांगितले आहे. दरम्यान, चंद्रावरून आल्यानंतर सर्वजणांना कलाकृतीतून आपले अनुभव सांगावे लागणार आहे. असेही त्यांनी म्हटले आहे.
